മനസ്സ്
അനുസരണയില്ലാത്തൊരു വികൃതിപ്പെണ്ണ്...
ചിന്തിക്കരുതെന്നോര്ക്കുമ്പോള്
കനവുകളുടെ പൂക്കാലമേകുന്നവള്...
മറവിയുടെ മാറാലയില് ഒളിച്ചിരിക്കവേ
ഓര്മ്മയുടെ വെളിച്ചം തെളിക്കുന്നവള്...
ശത്രുവെന്നോര്ത്ത് മുഖം തിരിക്കവേ
പുഞ്ചിരിപ്പൂവിടര്ത്തുന്നവള്....
നൊമ്പരം കടിച്ചിറക്കുമെന്നു നിനയ്ക്കവേ
കണ്ണീര്മഴ പെയ്യിക്കുന്നവള്.....
ഹൃദയം മൂകമലറിക്കരയുമ്പോഴും
പൊട്ടിച്ചിരിയ്ക്കാന് പഠിപ്പിക്കുന്നവള്....
സ്നേഹത്തിന്നതിരിടണമെന്നുറയ്ക്കവേ
സ്നേഹപ്പാലാഴിയൊഴുക്കുന്നവള്...
മനസ്സ്
ഇവളെന്റെ വികൃതിപ്പെണ്ണ്.....
No comments:
Post a Comment