നാട്ടുപൂവിന്റെ പരിണാമം...
കാട്ടുപൂവായ് വിടര്ന്നുവിലസുമൊരു
നാട്ടുപൂവേ നീ ചൊല്ലുമോ?
ഋതുക്കളോടും കൊടുംമൃഗങ്ങളോടും നീ
പൊരുത്തമായതുമെങ്ങനെ?
മൃദുലമേനിയെ കഠിന-
മാക്കുവാന് കൊടിയ വേലയെടുത്തുവോ?
ഹൃത്തടത്തിലെ തരുണ
മോഹങ്ങള് മുളയിലേ
നുള്ളിയെറിഞ്ഞുവോ?
ആദിവാസികള് ഗോത്ര
വര്ഗ്ഗങ്ങള് ചുറ്റിലും
പ്രിയമിത്രരോ?
കണ്ണുനീരു മറച്ചു
മെല്ലെ നീ
പുഞ്ചിരിക്കുവതെങ്ങനെ?
പാദമൂന്നും പൂഴിതന്നുടെ
നൊമ്പരങ്ങളറിയുവ-
തെങ്ങനെ?
തരുപ്പടര്പ്പും മഴയുംകാറ്റും
വെയിലുമെങ്ങനെ
മിത്രമായ്?
തൊട്ടുതീണ്ടലാലുള്ളി-
ലേകിയ കൊച്ചു
നൊമ്പരമീവിധം
അര്ത്ഥപൂര്ണമാക്കിയോ
ദയാബായി തന്നുടെ
ജീവിതം?
കൂപ്പുകൈയുമായൊന്നു
ഞാനാ മുന്നിലൊന്നു
നമിച്ചിടാം..
കണ്ണിന്മുന്നില് കാണും
ദൈവമീ കാട്ടില്വളരും
പൂവല്ലേ?
സിന്ധു സുരേഷ്
No comments:
Post a Comment