മയൂരമേ നീലമയൂരമേ
ഒാടിയകന്നിടല്ലേ....
വെറുതെ മോഹിതയാക്കിടല്ലേ
ഈ പഥികയാമെന്നെ..
വഴിയറിയാതുഴലും വേളയില്
കണ്ണിലുടക്കിയ മയൂരമേ...
ഏകാന്തവീഥിയിലീതിരുദര്ശനം
വൃന്ദാവനമൊന്നോര്ത്തുപോയീ...
അമ്പാടിക്കണ്ണനുംഗോപികമാരുമീ
നീലപ്പീലിതന് സുഖമറിഞ്ഞൂ
നിത്യംഏഴഴകേകുമീ പീലികണ്ടൂ
അതില്മൃദുലാംഗുലവുംതഴുകിനിന്നൂ.
അഗതിയാമീയെന്മനോമുകുരത്തിലും
പീലിക്കൊതിയെന്തേയാഗതമായ്..
എന്തിനായിന്നുനീയീവഴിയിലെത്തീ
ഒരു മാരീചനെപ്പോല് മോഹിപ്പിച്ചൂ..
,തരുമോ ഒരുചെറുപീലിത്തുണ്ടെന്
മനസ്സിന്പേജിലൊളിപ്പിക്കാം
പെറ്റുപെരുകും പീലികളാല്ഞാന്
വര്ണാക്ഷരങ്ങള്പകര്ന്നിടാം..
നിന്റെവര്ണരാജികളില്ഞാന്
സ്വപ്നകവിതകള് രചിച്ചിടാം
നിന്റെ നൃത്തവിലോലചിറകിലെന്
വാഞ്ഛിതഹാരവുമര്പ്പിക്കാം
ആരുംകാണാഹൃദയവനികളില്
നമുക്കുമാത്രമായ് കൂടൊരുക്കാം
അതില്നിനക്കുമാത്രമായ്ഞാന്
കവിതപാടാം നല്ല ഗാനംമൂളാം
മയൂരമേ നീലമയൂരമേ
ഒാടിയകന്നിടല്ലേ....
വെറുതെ മോഹിതയാക്കിടല്ലേ
ഈ പഥികയാമെന്നെ..
No comments:
Post a Comment